ភ្នំពេញ ៖នៅពេលបច្ចុប្បន្ននេះខណ្ឌទួលគោក រាជធានីភ្នំពេញបានអភិវឌ្ឍន៍និងក្លាយជាខ្លួនទៅជាតំបន់ CBD ឬតំបន់ពាណិជ្ជកម្មចម្រុះ និងលំនៅដ្ឋានបែបទំនើប ជាមួយនឹងការលេចឡើងនូវគម្រោងអគារខ្ពស់ៗស្អេកស្កះក្នុងរូបភាពជាអគារពាណិជ្ជកម្ម ខុនដូ អាផាតមិន និងអគារការិយាល័យកម្រិតខ្ពស់មិនចាញ់តំបន់បឹងកេងកងនោះឡើយ។
នៅក្នុងចំណោមអគារខ្ពស់ៗដែលកំពុងបង្ហាញរូបរាងជាច្រើននោះ រួមមានគម្រោងអគារខុនដូបែបប្រណីត Toul Kork Lane (ទួលគោក លែន) ដែលមានកម្ពស់រហូតដល់ ២១ជាន់ ស្មើនឹងជាង ៧០ម៉ែត្រ ។គម្រោងសម្រេចបានការសាងសង់ជាង៨០ភាគរយរួចទៅហើយ និងកំពុងទទួលបានការគាំទ្រពីសំណាក់បណ្តាក្រុមហ៊ុនជាដៃគូ ក៏ដូចជាបណ្តាអតិថិជនជឿទុកចិត្តគួរឱ្យកត់សម្គាល់។
លោកAndyនាយកគ្រប់គ្រងផ្នែកទីផ្សារនិងការលក់គម្រោងដ៏លេចធ្លោបានមានប្រសាសន៍ប្រាប់ឱ្យដឹងនៅក្នុងឱកាសជួបជាមួយបណ្តាក្រុមហ៊ុនដៃគូកាលពីថ្ងៃចុងសប្ដាហ៍កន្លងទៅនេះថា គម្រោងខុនដូ Toul Kork Lane ដែលកំពុងមមាញឹកក្នុងការសាងសង់ដោយក្រុមហ៊ុនជំនាញ Realeadar Development Co,.Ltdដើម្បីឈានទៅដល់ការបញ្ចប់ទាំងស្រុកទៅតាមផែនការដែលបានកំណត់ជាពិសេសប្រគល់សោរជូនដល់អតិថិជនរបស់ខ្លួននៅត្រឹមថ្ងៃទី៣១ ខែតុលា ឆ្នាំ២០២៣ខាងមុខនេះបច្ចុប្បន្នសម្រេចបានការសាងសង់ប្រមាណ៨០ភាគរយរួចទៅហើយ។
លោកបានបញ្ជាក់ថា ៖ «Toul Kork Lane ជាគម្រោងខុនដូបែបប្រណីត និងទំនើបប្រចាំតំបន់ទួលគោកដែលកំពុងមានការអភិវឌ្ឍន៍យ៉ាងខ្លាំងជាពិសេសស្ថិតនៅសង្កាត់បឹងកក់១ដែលជាទីតាំងនៃចំណុចកណ្តាលប្រៀបបានទៅនឹងបេះដូងរបស់ខណ្ឌទួលគោកទាំងមូល មានសក្ដានុពលបំផុតនិងហ៊ុព័ទ្ធជុំវិញទៅដោយមជ្ឈមណ្ឌលពាណិជ្ជកម្ម ផ្សារទំនើប សាលារៀនរដ្ឋនិងឯកជន មន្ទីរពេទ្យ គ្លីនិកធនាគារ ដែលកាន់តែផ្តល់ភាពងាយស្រួល និងទាន់សម័យដល់អ្នកស្នាក់នៅ។ ជាក់ស្ដែងគ្រាន់តែស្ថិតនៅក្នុងដំណាក់កាលនៃការបើកលក់ក្នុងជំហានដំបូង យើងលក់បានច្រើនជាង៤០ភាគរយរួចទៅហើយ។ លទ្ធផលនៃការលក់ក្នុងដំណាក់កាលដំបូងនេះ ដោយសារតែអតិថិជនបានមើលឃើញពីសក្ដានុពល និងឱកាសចំណេញរបស់ខ្លួន ទាំងការទិញសម្រាប់ស្នាក់នៅក៏ដូចជាការទិញសម្រាប់វិនិយោគបន្តប្រកបដោយភាពជឿទុកចិត្តខ្ពស់»។
សូមបញ្ជាក់ផងដែរថា គម្រោងខុនដូ Toul Kork Lane (ទួលគោក លេន) ត្រូវបានអភិវឌ្ឍឡើងនៅលើផ្ទៃដីទំហំ ១,១០០ម៉ែត្រការ៉េ និងមានផ្ទៃសំណង់សរុបទំហំ ២១,០០០ ម៉ែត្រការ៉េ មានកម្ពស់២១ជាន់ ស្មើនឹងជាង៧០ម៉ែត្រ ដោយក្នុងមួយជាន់មានប្រមាណ ២៣យូនីត និងសរុបជាង៤០០យូនីត។ នៅក្នុងគម្រោងមួយនេះមានទីតាំងចំណតយ៉ាងធំទូលាយដែលអាចផ្ទុករថយន្តបានរហូតដល់៨០គ្រឿង និងបំពាក់ទៅដោយឧបករណ៍សុវត្ថិភាពបែបទំនើប។
អ្វីដែលកាន់តែអស្ចារ្យ ក្រៅពីជាទីកន្លែងស្នាក់នៅសហកម្មសិទ្ធិបែបទំនើបនោះ នៅក្នុងគម្រោង Toul Kork Lane មានការរៀបចំ និងបែងចែកជាទីកន្លែងសម្រាប់ហាត់ប្រាណ កន្លែង Gym អាហារដ្ឋានបែបទំនើប ហាងកាហ្វេ ទីតាំងអង្គុយរង់ចាំ ជាពិសេស មានអាងហែលទឹកនៅជាន់អាកាសដ៏ប្រណីតផងដែរ។ ដោយឡែកសម្រាប់អតិថិជនដែលមានបំណងទិញសម្រាប់ស្នាក់នៅ ឬសម្រាប់វិនិយោគបន្តនៅពេលនេះ នឹងទទួលបានឱកាសចំណេញច្រើនជាមួយនឹងការផ្តល់ជូនពីគម្រោងដោយផ្ទាល់ក្រោមការបញ្ចុះតម្លៃរហូតដល់ ២២ភាគរយ រួមជាមួយនឹងការផ្តល់ជូននូវសម្ភារៈប្រើប្រាស់និងគ្រឿងបរិក្ខាដែលបំពាក់នៅក្នុងយូនីតនីមួយៗជាពិសេសមានការផ្តល់ជូននូវកម្មវិធីបង់ប្រាក់ច្រើនជម្រើសជាមួយនឹងធនាគារដៃគូCIMBដែលរឹតតែបង្ហាញពីទំនុកចិត្តខ្ពស់ជាមួយគម្រោងតែម្ដង៕ដោយៈក្រុមហ៊ុន